Хайртай болжээ

Дэлхийн түмэн солонгонд нүдний гялбаа ариллаа
Дэнжийн сайхан бүсгүйд хайрын харц амиллаа
Дэргэд чинь цэцгийн өнгө гундмал
Дуунд чинь гургалдайн жиргээ гологдом
Орчлонгийн олон учралууд замын хажууд хоцорч
Онцгой сайхан чамдаа сэтгэлийн үгээ шивнэлээ
Инээмсгэлэлд чинь нарны цацраг гийнэ
Эрхлэхэд чинь саран гивлүүрээ сөхнө
Хорвоогийн мянган зовлон жаргалын өнгөнд сүлэгдэж
Хайрын шүлэгтэй салхи чихнээ чамайг минь шивнэж
Холын холоос яарах сэтгэлийн даль ургаж
Хонгор амраг чамруугаа хүлгийн жолоо заллаа

Хайртай болжээ
Халуухан зүрх минь шатаж байна
Хайртай болжээ
Хосгүй ганцхан чамдаа би